Sigrún Lilja nýr forstöðumaður alþjóðasviðs Viðskiptaráðs Íslands

Nýr forstöðumaður Alþjóðasviðs Viðskiptaráðs Íslands hefur verið ráðin. Sú er Sigrún Lilja Guðbjartsdóttir.  Mun hún taka við starfi Huldu Bjarnadóttur og hefur hún formlega störf 1. ágúst næstkomandi.

Sigrún á fjölbreyttan feril að baki. Hún lærði hagfræði hjá Háskóla Íslands og er með  cand. merc. gráðu frá Viðskiptaháskólanum í Árósum. Þá hefur Sigrún starfað sem framkvæmdastjóri Íslenska dansflokksins. Hún var einnig ein þeirra sem stofnaði listahópinn Á vit.

Sigrún hefur jafnframt unnið að samantekt skýrslu um Gjaldtökuleiðir í ferðaþjónustu fyrir Stjórnstöð ferðamála ásamt því að hafa starfað sem framkvæmdastjóri Leikhúsmógúlsins og Miðborgar Reykjavíkur. Hún situr auk þess í stjórn Nýsköpunarsjóðs atvinnulífsins.