Sjáðu öll mörkin á dramatískum laugardegi í enska boltanum

Enski boltinn er farinn af stað með látum en sjö leikir fóru fram í gær og var nóg um að vera á annasömum degi.

Englandsmeistarar Chelsea fengu óvæntan skell á heimavelli gegn Burnley. Heimamenn lentu 3-0 undir í fyrri hálfleik og misstu tvo menn af velli með rautt spjald. Meistararnir náðu að koma til baka í síðari hálfleik en það reyndist ekki nóg.

Liverpool sýndi allar sínar bestu og verstu hliðar í gær. Liðið skoraði þrjú mörk gegn Watford á útivelli en fékk líka þrjú á sig, þar af jöfnunarmarkið í uppbótartíma.

Endurkoma Wayne Rooney á Goodison Park með Everton var mögnuð en hann skoraði sigurmark sinna mann strax í fyrsta leik sínum með liðinu eftir þrettán ára dvöl í Manchester United.

Allt þetta má sjá í samantektum leikjanna hér fyrir neðan, sem og allra annarra leikja í gær.

Watford 3 - 3 Liverpool

Crystal Palace 0 - 3 Huddersfield

Everton 1 - 0 Stoke

West Brom 1 - 0 Bournemouth

Southampton 0 - 0 Swansea

Chelsea 2 - 3 Burnley

Brighton 0 - 2 Manchester City