Slagsmálin byrjuðu næstum því of snemma

Í nýjasta þætti Embedded, upphitunarþætti fyrir bardaga Conor McGregor og Floyd Mayweather má sjá er allt varð vitlaust er þeir mættust á kynningu fyrir bardagann.

Sá viðburður var haldinn fyrir utan keppnishöllina, Tmobile Arena, og komu þeir ekki á sama tíma. Conor og hans lið var mætt áður en Mayweather yfirgaf svæðið og mættust þeir ásamt sínum mönnum er Conor gekk inn.

Þá byrjuðu menn að rífast og litlu mátti muna að fylgdarlið beggja aðila hefðu farið að slást. Stuttur þráður á mannskapnum.

Fleira skemmtilegt er í þættinum sem má sjá hér að neðan.

Bardagi Conors og Mayweather fer fram á laugardag og bardaginn verður í beinni á Stöð 2 Sport. Hægt er að kaupa áskrift á 365.is.