Ferðaþjónustusýning Mercedes-Benz atvinnubíla

Ferðaþjónustusýning Mercedes-Benz fer fram nk laugardag 30. september kl. 12-16 í húsakynnum söludeildar atvinnubíla hjá Bílaumboðinu Öskju á Fosshálsi 1. Mercedes-Benz er stærsti framleiðandi atvinnubíla í heiminum og framleiðir fjölmarga bíla og útfærslur sem henta ferðaþjónustugeiranum mjög vel.

,,Við kynnum gott úrval bíla fyrir ferðaþjónustu af ólíkum stærðum og gerðum, allt frá fólksbílum upp í 69 sæta hópferðabíla. Helst ber að nefna hinar geysivinsælu Sprinter og Tourismo rútur í mörgum útgáfum. Einnig verðum við með Setra TopClass VIP, sem er einn glæsilegasti hópferðabíll landsins.

Þá kynnum við einnig fjölmargar útfærslur af grindarbílum frá Mercedes-Benz sem henta vel við íslenskar aðstæður. Það má segja að það séu endalausir möguleikar þegar kemur að Mercedes-Benz atvinnubílum og skiptir í raun engu máli í hvaða atvinnurekstri viðkomandi er," segir Finnbogi Óskar Ómarsson, sölustjóri Mercedes-Benz atvinnubíla.