Valur skellti Keflavík

Valur gerði sér lítið fyrir og skellti Keflavík í annari umferð Dominos-deildar kvenna í kvöld, en lokatölur urðu 93-85 suður með sjó.

Keflvíkingum er af flestum spáð titlinum í vetur og þær unnu góðan sigur á Snæfell í fyrstu umferð. Á meðan vann Valur Breiðablik.

Valur vann síðasta leikhlutann 26-16 og lagði þar grunninn að sigrinum, en Alexandra Petersen var stigahæst hjá Val með 31 stig.

Thelma Dís Ágústsdóttir og Brittanny Dinkins skoruðu sitthvor 18 stigin fyrir Keflavík sem er með tvö stig eftir tvo leiki á meðan Valur er á toppnum með fjögur.