Þjálfarinn hló ekki að brandara Dagnýjar

Dagný Brynjarsdóttir er fjölhæfur leikmaður sem getur spilað margar stöður á vellinum þótt að hún vilji sjálf helst vera inn á miðjunni.

Þennan hæfileika hennar hefur Mark Parsons, þjálfari Portland Thorns, nýtt sér til hins ýtrasta.

„Ég var að spila í dag sem vængbakvörður,“ sagði Dagný um hennar hlutverk eftir að hún kom inn á í úrslitaleiknum um helgina þar sem Portland Thorns liðið tryggði sér bandaríska meistaratitilinn.

„Ég er búin að spila í öllum stöðum nema í marki. Ég grínaðist með það á æfingu í fyrradag og spurði þjálfarann hvort að ég væri ekki örugglega þriðji markvörður,“ sagði Dagný hlæjandi en bætti svo við:

„Þjálfaranum fannst það ekki mjög fyndið en liðsfélögunum mínum fannst það fyndið,“ sagði Dagný.