Kristinn Freyr fer ekki til FH

Kristinn Freyr Sigurðsson mun ekki skrifa undir samning við FH. Þetta staðfestir 433.is í dag.

Viðræður höfðu verið uppi milli Fimleikafélagsins og Kristins, en hann er á leið heim úr atvinnumennsku. Upp úr viðræðunum slitnaði seint í gærkvöldi, en samningar eiga að hafa verið langt á veg komnir.

Miðjumaðurinn öflugi var valinn besti leikmaður Pepsi deildarinnar sumarið 2016 áður en hann hélt út í atvinnumennsku þar sem hann spilaði fyrir Sundsvall í Svíþjóð.

Hann á að hafa tvö tilboð í höndunum frá íslenskum félögum til að velja úr. Hann hefur meðal annars verið orðaður við Íslandsmeistara Vals, en hann hefur verið við æfingar með félaginu að undanförnu.