Guðmundur Þórður ráðinn forstöðumaður hjá Íslandsbanka

Guðmundur Þórður Guðmundsson hefur verið ráðinn forstöðumaður Afleiðuborðs Íslandsbanka.

Í tilkynningu frá bankanum segir að Guðmundur hafi yfir fimmtán ára reynslu af fjármálamarkaði. Hann starfaði hjá Íslandsbanka og forverum árin 1996 til 2004, meðal annars sem forstöðumaður yfir afleiðuborði og þá hefur hann einnig starfað sem forstöðumaður og framkvæmdastjóri hjá Arion banka.

„Guðmundur er verkfræðingur frá Háskóla Íslands með meistaranám í verkfræði frá DTU í Kaupmannahöfn. Hann er einnig með B.Sc. í tölvunarfræði frá Háskólanum í Reykjavík og próf í verðbréfaviðskiptum.  Að auki er Guðmundur CFA® charterholder.

Afleiðuborð heyrir undir Fyrirtæki og fjárfesta og sér um að mynda innri markað með afleiður og gjaldeyri  fyrir verðbréfa- og gjaldeyrismiðlun ásamt því að vera millibanki með gjaldeyri. Eyjólfur Örn Jónsson er forstöðumaður verðbréfamiðlunar og Þórhallur Sverrisson er forstöðumaður gjaldeyrismiðlunar,“ segir í tilkynningunni.