Þolinmæðisverk hjá Íslandsmeisturunum

Það var þolinmæðisverk hjá Val að leggja B-deildarlið Njarðvíkur af velli í kuldanum á Valsvelli í kvöld, en lokatölur urðu 3-0 sigur Vals.

Haukur Páll Sigurðsson kom Val yfir á 73. mínútu, en Valsmenn stilltu upp afar sterku liði.

Sigurður Egill Lárusson tvöfaldaði svo forystuna átta mínútum fyrir leikslok, en Sigurður var aftur á ferðinni áður en flautað var af. Lokatölur 3-0.

Valur spilar næst við Víking um næstu helgi, en Njarðvík spilar gegn ÍA strax á fimmtudaginn. Í riðlinum eru einnig Fram og ÍBV.