Óþekkjanleg á forsíðu Paper

Ritstjórn skrifar 27. mars 2018 12:00

Söngkonan Christina Aguilera sýnir á sér nýja og náttúrulega hlið á forsíðu tímaritsins Paper.

Hún er alveg ómáluð og fersk á forsíðunni en þeir sem þekkja til eru vanari að sjá hana skarta áberandi augnförðun, gerviaugnahárum og varalit við hvaða tilefni sem er. Forsíðan hefur vakið mikla athygli en sjálf segir Aguilera að um nýtt upphaf fyrir sig sé að ræða.

„Ég er listamaður, það er það sem ég er frá náttúrunnar hendi. Og ég er á þeim stað núna, líka tónlistarlega, þar sem það er frelsandi tilfinning að geta hreinsað sig og kunna að meta sjálfan sig fyrir þann sem maður er og eigin hráu fegurð ... ég þarf að finna það, vera listamaður, skapa og breytast,“ segir Aguilera sem gaf í skyn á samfélagsmiðlum fyrr á þessu ári að ný tónlist væri á leiðinni frá söngkonunni frægu.

Við kunnum að meta þetta nýja lúkk!