Sjáðu myndbandið innan úr Manchester City rútunni

Það var ekki skemmtilegt fyrir leikmenn Manchester City að fara í gegnum hóp stuðningsmanna Liverpool fyrir leik liðanna í Meistaradeildinni í gær.

Liverpool baðst strax afsökunar á framkomu stuðningsmanna sinna í gærkvöldi þegar rúta með leikmönnum Manchester City mætti á Anfield. Pep Guardiola, knattspyrnustjóri Manchester City, gagnrýndi líka móttökurnar og sagði svona ekki sæma félagi eins og Liverpool.

Stuðningsfólk Liverpool hegðuðu sér þarna eins og verstu bullur og hentu öllu lauslegu í Manchester City rútuna. Rútan var stórskemmd á eftir og það þurfti að kalla á nýja rútu til að skila leikmönnum Manchester City til baka eftir tapið.

Aðstoðarmenn Pep Guardiola hjá Manchester City tóku upp myndband aþegar City rútan keyrði í gegnum hóp stuðningsmanna Liverpool. Það má sjá þetta myndband hér fyrir neðan.m

| Footage from inside the City bus. [Instagram/manel.estiarte]

Pep: "The bus is destroyed but I did not expect a prestigious club like Liverpool doing this kind of thing."

Liverpool have apologised and called the behaviour "completely unacceptable". pic.twitter.com/fyTIrAdVug

— City Watch (@City_Watch) April 5, 2018

Það mætti halda að leikmenn Manchester City hafi stuðast mikið við þetta allt saman því Liverpool skoraði þrjú mörk hjá Manchester City á fyrsta hálftímanum og vann á endanum 3-0 sigur.