Átti Ramos að fá rautt fyrir þetta?

Mohamed Salah, sóknarmaður Liverpool, þurfti að fara af velli eftir rúmlega þrjátíu mínútur í úrslitaleiknum gegn Real Madrid í kvöld.

Liverpool tapaði leiknum 3-1 en Gareth Bale skoraði tvö mörk í síðari hálfleik sem gerðu út um leikinn eftir að Sadio Mane hafði jafnað metin skömmu áður fyrir Liverpool.

Eins og áður segir þurfti besti leikmaður ensku úrvalsdeildarinnar á nýyfirstöðnu tímabili að fara útaf eftir að honum og Sergio Ramos lenti saman.

Stuðningsmönnum Liverpool var verulega heitt í hamsi og vildu að Ramos myndi fá reisupassann. Jurgen Klopp, stjóri Liverpool, sagði í leikslok að þetta hafi ekki litið vel út en ekkert var dæmt á atvikið.

Hér að ofan má sjá atvikið og dæmi hver fyrir sig.