Birna Valgerður búin að semja við Arizona háskólann

Körfuknattleikskonan Birna Valgerður Benónýsdóttir úr Keflavík hefur samið við Arizona háskólann og mun hefja nám þar haustið 2019.

Karfan.is greindi frá þessu í gærkvöldi.

Um er að ræða gríðarlega sterkan körfuboltaskóla en liðið spilar í Pac-12 deildinni í háskólaboltanum og er stýrt af Adiu Barnes sem átti farsælan leikmannaferil í WNBA á árum áður auk þess að leika í Evrópu.

Skólanum gekk reyndar ekki vel á síðustu leiktíð þar sem aðeins sex leikir unnust og 24 töpuðust.

Þrátt fyrir ungan aldur hefur Birna Valgerður verið einn besti leikmaður Dominos deildarinnar á undanförnum árum og verið í lykilhlutverki í sterku liði Keflavíkur. Birna er því að fara að leika sitt síðasta tímabil í Dominos deildinni í bili.