Átta þúsund manns á unglingalandsmóti í Þorlákshöfn

„Hér eru á milli sjö og átta þúsund manns í blíðskaparveðri, sólin er komin og allir í hátíðaskapi eftir mikla rigningu í gær,“ segir Auður Inga Þorsteinsdóttir, framkvæmdastjóri Ungmennafélags Íslands þegar hún var spurð hvernig gengi á landsmótinu.

Keppt er í um 20 greinum á mótinu. Öll aðstaða í Þorlákshöfn er til fyrirmyndar, stutt á keppnisvellina og á tjaldsvæðið.

„Við gætum ekki verið ánægðir með aðstöðuna, hún er frábær, svo ekki sé minnst á alla þá sjálfboðaliða sem aðstoða okkur við að gera mótið eins frábært og það er,“ bætir Auður Inga við.

Setningarathöfn mótsins sem var frestað í gærkvöldi vegna veðurs verður haldin í kvöld. Þá má nefna það að um 250 börn og unglingar hafa skráð sig í kökuskreytingakeppni unglingalandsmótsins sem verður haldin á morgun í Ráðhúsi Ölfuss.