Bubbi lagður inn á spítala og spilar ekki í kvöld

Bubbi Morthens hefur verið lagður inn á spítala vegna kvilla í nefi og mun því ekki koma fram með hljómsveitinni Dimmu á tónleikum Bylgjunnar í Hljómskálagarði í kvöld.

Þetta kemur fram í yfirlýsingu sem Bubbi setti inn á Facebook-síðu sína fyrr í dag. Þrátt fyrir fjarveru Bubba mun Dimma koma fram á tónleikunum.

 

Tónleikarnir, sem eru á vegum Bylgjunnar, munu hefjast í Hljómskálagarðinum klukkan 18:10 í kvöld. Meðal þeirra sem koma fram á tónleikunum eru hljómsveitin Karma Brigade, Helgi Björnsson og Amabadama. Páll Óskar Hjáltýsson mun svo slá botninn í tónleikana en hann stígur á svið klukkan 22:15.