Fylgdarhlauparinn tognaði í miðju hlaupi á EM

Patrekur Andrés Axelsson komst ekki í úrslit í spretthlaupi á EM fatlaðra í frjálsum íþróttum eftir að fylgdarhlaupari hans tognaði í miðju hlaupi í undanrásunum í morgun.

Patrekur Andrés hleypur í flokki blindra T11 og er því með fylgdarmann í hlaupinu. Andri Snær Ólafsson er fylgdarmaður Patreks og þegar um 80 metrar voru búnir af 100 metra spretthlaupinu tognaði Andri og þeir félagar komust ekki í mark.

Patrekur var 19 ára þegar hann missti sjónina. Hann er fæddur árið 1994 og er því 24 ára í dag. Hann byrjaði að æfa frjálsar íþróttir fyrir þremur árum og stefnir á að komast á Ólympíumót fatlaðra árið 2020

Einar Vilhjálmsson setti inn færslu um málið á Facebook í morgun. Andri skrifaði athugasemd við færsluna þar sem hann sagði: „Ég held að drengurinn sé barasta orðinn of hraður.“

Í færslu Einars var myndband af atvikinu og má sjá það hér að neðan: