Geta valið að sjá nýjustu tístin fyrst

Forsvarsmenn samskiptamiðilsins Twitter hyggja á breytingar á fyrirkomulagi og framsetningu tísta í þágu aukins valfrelsis netverja.

Innan fárra vikna geta notendur sjálfir valið stillingu sem sýnir tístin í réttri tímaröð eins og netverjar hafa í auknum mæli kallað eftir því þeim hafi ekki hugnast núverandi fyrirkomulag forritsins.

Eins og fyrirkomulagið hefur verið frá árinu 2016 hefur þeim tístum verði gert hærra undir höfði sem eru vinsælust. Tiltekin reikniaðferð (e. algorithm) hefur verið notuð til að sýna vinsælustu tístin efst á tímalínunni.

1/ We're working on new ways to give you more control over your timeline. But first, some context: Twitter helps you see what's happening by showing the best Tweets for you based on your interactions.https://t.co/H5nuhQy3r2

— Twitter Support (@TwitterSupport) September 17, 2018

Kayvon Beykpour, þróunarstjóri hjá Twitter, segir í samtali við Sky News að fyrirtækið sé, með breytingunni, að færa valdið í hendur notendanna sem munu sjálfir stjórna því hvernig þeir vilja hafa framsetninguna og röðun tístanna.

Hann segir að breytingin verði innleidd og tilbúin til notkunar innan fárra vikna.

Eydís Blöndal, ljóðskáld, sem slær iðulega í gegn á Twitter með hreinskilni og húmor, gagnrýndi núverandi fyrirkomulag fyrir skömmu á Twitterreikningi sínum. 

ég hata að twitter sýni manni tweet frá fólki sem maður er ekki að followa en vinir manns eru að followa AF ÞVÍ AÐ ég er of oft að komast að því að ég sé ekki að followa vini mína sem ég hélt ég væri að followa því twitter er alltaf að sýna mér tweetin þeirra!!!

— Eydís Blöndal (@eydisblondal) September 17, 2018