Sjáðu upphitunarþátt Körfuboltakvölds fyrir Domino´s-deild kvenna í heild sinni

Domino´s-deild kvenna í körfubolta hefst í kvöld með látum þegar að fjögur lið sem munu mögulega berjast um Íslandsmeistaratitilinn mætast innbyrðis.

Valur tekur á móti Skallagrími í Origo-höllinni og Keflavík fær Stjörnuna í heimsókn en Keflavíkurstúlkur þykja líklegastar til að verða meistarar næsta vor.

Hitað var upp fyrir deildina í Domino´s-Körfuboltakvöldi í gærkvöldi þar sem að Stefán Árni Pálsson fékk þau Pálínu Maríu Gunnlaugsdóttur og Ágúst Björgvinsson til að fara með sér yfir spá Körfuboltakvölds og rýna í helstu leikmenn.

Allan þáttinn má sjá hér að neðan.