Lukku-Láki og vinir ekki undanskildir

Lilja Alfreðsdóttir, mennta- og menningarmálaráðherra, segir myndasögur falla undir ákvæði frumvarps hennar sem miðar að því að efla útgáfu bóka á íslensku. Lilja mælti fyrir frumvarpinu fyrr í vikunni.

Fréttablaðið hafði greint frá óánægju Gísla Einarssonar, framkvæmdastjóra Nexus, sem óttaðist að myndasögurnar og myndrænar skáldsögur væru skildar út undan í frumvarpinu.

„Frumvarpið er mikil innspýting í bókageirann og mun hafa jákvæða keðjuverkun fyrir bókaútgáfu, rithöfunda og myndasögur,“ segir Lilja.