Hamrén getur spjallað á sænsku við dómarann gegn Sviss

Það verður Svíinn Andreas Ekberg sem dæmir Íslands og Sviss á mánudaginn en þetta kemur fram á heimasíðu UEFA.

Ekberg byrjaði að dæma í sænsku deildunum árið 2014 og varð FIFA dómari fyrir fimm árum síðan. Hann hefur dæmt 150 leiki í sænsku úrvalsdeildinni og 53 alþjóðlega leiki og þar af 8 leiki í riðlakeppni Evrópudeildarinnar á undanförnum árum. Hann er búinn að dæma einn leik í Evrópudeildinni í ár, leik orkudrykkjaliðanna Salzburg og Leipzig en leikurinn á mánudag verður fyrsti leikurinn sem hann dæmir í Þjóðadeildinni.

Ekberg ætti ekki að vera í vandræðum með að tjá sig við nokkra af leikmönnum íslenska liðsins eða Erik Hamrén þjálfara sem einnig er Svíi.

Leikur Íslands og Sviss fer fram á Laugardalsvelli á mánudaginn klukkan 18:45 og verður í beinni útsendingu á Stöð 2 Sport HD þar sem útsending hefst klukkan 18:00.