Troyer lést af völdum áfengiseitrunar

Bandaríski leikarinn Verne Troyer lést af völdum áfengiseitunar og hefur dánardómstjóri úrskurðað að um sjálfsvíg hafi verið að ræða. Frá þessu segir í frétt BBC.

Leikarinn, sem þekktastur var fyrir hlutverk sitt sem Mini-Me í myndunum um Austin Powers, lést í apríl síðastliðnum, 49 ára að aldri.

Troyer, sem var 81 sentimetri á hæð, fór einnig með hlutverk Priphook í fyrstu myndinni um Harry Potter.

Leikarinn hafði oft rætt opinskátt um glímu sína við áfengisfíkn og fór í meðferð á síðasta ári.