Svona var blaðamannafundur Hamrén

Vísir var með beina útsendingu og beina textalýsingu frá blaðamannafundi íslenska landsliðsins í fótbolta þar sem að Erik Hamrén, landsliðsþjálfari, tilkynnti hópinn fyrir næstu tvo leiki sem eru síðustu leikir ársins hjá liðinu.

Fyrir stafni eru leikir á móti Belgíu í Þjóðadeildinni og vináttuleikur á móti Katar sem einnig fer fram í Belgíu en íslenska liðið er fallið úr Þjóðadeildinni eftir töp í fyrstu þremur leikjunum.

Ísland tapaði, 3-0, fyrir Belgíu á heimavelli og verður seinni leikurinn ekki auðveldari á heimavelli eins besta landsliðs heims í dag. Búist er við eitthvað af nýjum nöfnum í dag sem munu fá tækifæri í þeim leik og á móti Katar.

Hér að neðan má sjá upptöku frá fundinum. Einnig má lesa það helsta í textalýsingu blaðamanns Vísis þar fyrir neðan.