Lars með Noreg upp í B-deildina | Öll úrslit dagsins

Lars Lagerback og lærisveinar hans í Noregi leika í B-deild Þjóðadeildarinnar næst er hún verður leikin eftir 2-0 sigur á Kýpur í kvöld.

Ola Kamara, framherji LA Galaxy, skoraði bæði  mörk Noregs í kvöld sem vinna riðil 3 í C-deildinni með þrettán stig. Búlgaría endar númer tvö eftir 1-1 jafntefli við Slóveníu.

Það gæti því farið sem svo að Ísland og Noregur dragist saman í riðil eftir fjögur ár er dregið verður í B-deild Þjóðadeildarinnar en Ísland er sem kunnugt er fallið niður í B-deildina.

Danmörk og Írland gerðu markalaust jafntefli í Árósum en leikurinn var hluti af B-deildinni. Danirnir voru fyrir leikinn búnir að tryggja sér sæti í A-deildinni.

Öll úrslit dagsins:

A-deildin:

Þýskaland - Holland 2-2

B-deildin:

Tékkland - Slóvakía 1-0

Danmörk - Írland 0-0

C-deildin:

Búlgaría - Slóvenía 1-1

Kýpur - Noregur 0-2

D-deildin:

Makedónía - Gíbraltar 4-0

Liechtenstein - Armenía 2-2