Lovren kallaði Ramos og félaga aumingja

Dejan Lovren, varnarmaður Liverpool og króatíska landsliðsins, missti sig aðeins á Instagram eftir 3-2 sigur Króata á Spáni í gær.

Lovren hefur ekki miklar mætur á Sergio Ramos líkt og aðrir leikmenn Liverpool eftir úrslitaleik Meistaradeildarinnar á síðustu leiktíð.

Lovren fór í beina útsendingu á Instagram úr búningsklefa Króata eftir leikinn magnaða í gær þar sem hann gerði grín að Ramos og félögum.

„Ég náði góðum olnboga á hann,“ sagði Lovren stoltur af því að hafa meitt Ramos.

„3-2. Haltu bara áfram að tala, félagi. Þið eruð ekkert nema aumingjar.“ Lovren bætti svo um betur og birti mynd af sér að pakka Ramos saman í skallaeinvígi.

 

 

 

View this post on Instagram

Dobro jutro Hrvatska

A post shared by Dejan Lovren (@dejanlovren06) on Nov 16, 2018 at 12:20am PST

Það eru ekki nema tvær vikur síðan Lovren gagnrýndi Ramos í viðtali. Þá sagði hann muninn á þeim tveimur vera sá að Ramos gerði fleiri mistök.

Hér að neðan má sjá Lovren borubrattan eftir leikinn.