Tvíbætti heimsmetið í réttstöðulyftu

Júlían J. K. Jóhannsson varð fjórði á HM í kraftlyftingum þrátt fyrir að hafa tvíbætt heimsmetið í réttstöðulyftu.

Júlían lyfti 360 kg í fyrstu lyftu sinni og ákvað að reyna við heimsmet í annari lyftu, 398 kg. Sú þyngd flaug upp og ákvað Júlían því að reyna við meiri þyngd.

405 kg fóru á stöngina og náði Júlían því upp, tvíbætti því heimsmetið. Gamla heimsmetið var orðið sjö ára gamalt, 397,5 kg frá því á HM 2011.

Júlían lyfti 410kg í hnébeygju og 300kg í bekkpressu og var því samtals með 1115 kg. Það er bæting á hans besta árangur um rúm 50 kg, áður átti hann 1060 best samanlagt.

Júlían var 20 kg frá þriðja sætinu. Rússinn Andrey Konovalov vann keppnina með 1252,5 kg samanlagt.