Disney birtir fyrstu stiklu Lion King

Disney hefur birt fyrstu stikluna fyrir nýju Kvikmyndinni um Konung ljónanna, Simba, og ævintýri hans. Að þessu sinni er myndin tölvuteiknuð og sýnir stiklan frá því þegar Simbi er kynntur til leiks eftir fæðingu. Þá má einnig heyra kunnulega rödd James Earl Jones sem talar aftur fyrir Múfasa, föður Simba.

Fullorðnum Simba bregður einnig fyrir.

Myndin verður frumsýnd næsta sumar en meðal þeirra sem ljá persónum hennar rödd sína eru Donald Glover, Beyoncé, Seth Rogen, John Oliver, Keegan-Michael Key og Chiwetel Ejifor.