Mikilvægur sigur Stjörnunnar

Stjarnan vann mikilvægan sigur á Skallagrím, 73-62, í Dominos-deild kvenna í körfubolta í dag. Leikið var í Ásgarði í Garðabæ.

Jafnræði var með liðunum í fyrri hálfleik. Stjarnan leiddi 16-14 eftir fyrsta leikhluta og í hálfleik var staðan 41-33, Stjörnunni í vil.

Gestirnir frá Borgarnesi náðu aðeins að minnka muninn í þriðja leikhluta en hann varð minnst sex stig í þeim hluta og Stjörnustúlkur með tök á leiknum fyrir lokaleikhlutann.

Þær náðu aldrei að jafna metin en í fjórða leikhlutanum varð munurinn minnst tvö stig, 62-60. Heimastúlkur vörðu forystuna með kjafti og klóm og unnu að lokum ellefu stiga sigur, 73-62.

Danielle Victoria Rodriguez var stigahæst Stjörnustúlkna með 23 stig, þrettán fráköst og átta stoðsendingar. Í liði Skallagríms voru það Shequila Joseph og Maja Michalska sem gerðu 20 stig hvor.

Stjarnan er eftir sigurinn með tólf stig í fjórða sæti deildarinnar en Skallagrímur er í því sjötta með sex stig.