Rúmlega 40 særðust í sprengingu í Japan

Stór sprenging varð í dag á veitingastað í borginni Sapporo í norðurhluta Japans. Rúmlega 40 eru særðir, þar af einn alvarlega. BBC greinir frá þessu.

Ástæða sprengingarinnar, sem varð í Toyohira hverfi borgarinnar, er enn óljós. Lögreglan í borginni hefur lokað svæðið af vegna hættu á frekari sprengingum.

Á samfélagsmiðlum má sjá myndir af vettvangi sem sýna brak á víð og dreif um götuna þar sem veitingastaðurinn stendur. Þá kom upp eldur í kjölfar sprengingarinnar en það tók viðbragðsaðila nokkra klukkutíma að ráða niðurlögum hans. 

Fréttin var uppfærð klukkan 18:00.

平岸三条八丁目でガス爆発による火災。火の勢い物凄く、消防車や救急車多数。 pic.twitter.com/OIRN0FiTmF

— しょうた (@shotacamera) December 16, 2018