Óþægindi í leggöngum algengt vandamál

Liljonia frá Florealis er lækningavara sem vinnur gegn óþægindum og sýkingum í leggöngum, en slík vandamál eru mjög algeng meðal kvenna.

„Langflestar konur upplifa óþægindi í leggöngum á einhverjum tímapunkti. Oftast eru þetta væg óþægindi en geta engu að síður verið mjög hvimleið og haldið aftur af konum,“ Segir Sandra Mjöll, vörustjóri Florealis og doktor í líf- og læknavísindum. Hún segir ástæður óþægindanna geti verið margvíslegar, ekki sé alltaf um sveppasýkingu að ræða. 

„Kláði, sviði og önnur óþægindi koma líka fram þegar náttúruleg flóra fer úr jafnvægi. Það getur gerst þegar breyting verður á sýrustigi, til dæmis í tengslum við blæðingar, í kjölfar inntöku sýklalyfja og líka þegar konan er undir miklu álagi,” útskýrir Sandra Mjöll.

Óþægindin draga úr lífsgæðum kvenna

„Óþægindi í leggöngum eru mjög algengt vandamál og geta haft neikvæð áhrif á daglegt líf. Konur hika við að fara í sund og stanslaus óþægindi draga auðvitað líka úr löngun til að stunda kynlíf. Sumar konur finna einnig fyrir sviða eða ertingu eftir kynlíf en sýrustigið í leggöngunum er mun lægra en sýrustig sæðisvökva. Það getur leitt til þess að ójafnvægi verður á náttúrulegri flóru með tilheyrandi óþægindum,” Segir Sandra.  „Við hjá Florealis leggjum mikinn metnað í að koma til móts við konur með vörum sem taka mið af þeirra þörfum.“

Einstök samsetning náttúrulegra efna

Liljonia er lækningavara sem inniheldur  náttúrleg efni. Þetta eru lítil mjúk hylki sem stungið er upp í leggöngin. Hylkin innihalda hýalúrónsýru sem gefur raka, aloe vera sem hefur græðandi áhrif og veitir einnig raka og svo sýkladrepandi efni sem kallast TIAB™ en það er efnasamband með staðbundna virkni. Liljonia hemur sviða og kláða í leggöngunum, vinnur á vægum sýkingum og stuðlar að jafnvægi í náttúrulegri flóru legganga.

„Þessi einstaka samsetning er því góð vörn gegn vægum sýkingum og byggir upp heilbrigða slímhúð á sama tíma en heilbrigð húð er mikilvægasta vörn líkamans gegn sýkingum,“ útskýrir Sandra Mjöll.  „Það er best að nota Liljonia á kvöldin áður en lagst er til svefns. Mælt er með því að nota eitt hylki á dag í viku til að ná sem bestum árangri.“

Ein vinsælasta varan á markaðnum

„Hylkin eru afar þægileg í notkun, þau eru lítil og auðvelt að koma þeim fyrir í leggöngunum. Enda var Liljonia fimmta vinsælasta varan á Lyfja.is á síðasta ári og er á hraðri uppleið,“ segir Sandra.  ,,Það er ekki eðlilegt að finna til óþæginda í leggöngunum eða á svæðinu þar í kring. Þetta er viðkvæmt svæði sem er undir stanslausu áreiti og fer í gegnum breytingar samfara tíðahringnum. Það er því mikilvægt að hlusta á líkamann og bregðast við þegar hann segir manni eitthvað. Það eru til lausnir sem draga úr og fyrirbyggja svona óþægindi. Það ætti engin kona að þurfa að þjást út af þessu.”

Þessi kynning er unnin í samstarfi við Florealis