Ökumaður bifreiðarinnar grunaður um akstur undir áhrifum og án ökuréttinda

Bílvelta varð skömmu fyrir miðnætti á Kringlumýrabraut þegar bifreið valt út fyrir veg. Ökumaður bifreiðarinnar er grunaður um akstur undir áhrifum áfengis og að vera án ökuréttinda eftir því er fram kom í tilkynningu lögreglu.

Á myndbandsupptöku af atvikinu má sjá þegar bíllinn keyrir útaf og fer eina veltu áður en hann endar í læk. Þegar bíllinn hafði lent í læknum setur ökumaður hættuljósin í gang og sjást aðrir bílar nema staðar á veginum.

Í það minnsta tveir voru í bílnum þegar slysið varð en engin slys urðu á fólki.