Dóttir Obama sögð hafa kallað Trump illan á leynilegri Facebook-síðu

Malia Obama, eldri dóttir fyrrum forsetahjóna Bandaríkjanna, birti mynd á leynilegri Facebook-síðu sem talin er vera í eigu hennar árið 2017 þar sem hún segir það vera óeðlilegt að Donald Trump sé forseti Bandaríkjanna, hann sé illur og fólk eigi ekki að vera meðvirkt. 

Á mynd sem Daily Mail birtir af Facebook-síðunni má sjá bleika post-it miða þar sem forsetadóttirin er sögð hafa skrifað gagnrýni á núverandi Bandaríkjaforseta og hengt þá á eldhúshillu. Síðan hefur ekki verið virk frá árinu 2017 og var hún undir dulnefni svo ekkert hefur fengið staðfest um hvort síðan sé raunverulega í eigu Obama. 

Á meðal þeirra sem skrifa athugasemd við myndina er Finnegan Biden, barnabarn varaforseta Obama, Joe Biden. 

Á síðunni má einnig finna myndir af Obama með vinum sínum sem og stöðuuppfærslur þar sem hún tjáir sig um málefni sem liggja henni á hjarta, til að mynda breytingar á byssulöggjöf Bandaríkjanna. Þá deildi hún undirskriftalista þess efnis í kjölfar skotárásarinnar í Las Vegas þann 1. október þar sem 59 manns létu lífið.