Milan ekki í vandræðum með botnliðið

AC Milan vann þægilegan sigur á botnliði Empoli í ítölsku Seria A deildinni í fótbolta í kvöld.

Eftir markalausan fyrri hálfleik skoraði Krysztof Piatek fyrsta mark leiksins strax á 49. mínútu.

Franck Kessie tvöfaldaði svo forystu heimamanna aðeins tveimur mínútum síðar. Samu Castillejo tryggði sigurinn á 67. mínútu.

Lokatölur urðu 3-0 í leik sem Milan var með mikla yfirburði í en gestirnir náðu aðeins einu skoti á markið.

Milarn er í fjórða sæti deildarinnar, aðeins stigi á eftir nágrönnum sínum í Inter sem eiga þó leik til góða, líkt og Roma í fimmta sætinu, fjórum stigum á eftir Milan.