Manchester United vann einn eftirminnilegasta sigurinn í sögu Meistaradeildarinnar í París í gær þegar liðið mætti á útivelli 2-0 undir en tryggði sig áfram með 3-1 sigri. Heimamenn í PSG ætti að vera farnir að þekkja þá tilfinningu vel að tapa niður draumastöðum.
Þetta er í þriðja sinn á fjórum árum þar sem lið Paris Saint Germain kemur sér í góða stöðu með góðum sigri í fyrri leiknum en missir síðan allt í buxurnar í seinni leiknum.
Þetta gerðist 2016 á móti Real Madrid, 2017 á móti Barcelona og nú 2019 á móti Manchester United. Mister Chip bendir á þetta á Twitter-síðu sinni.
En 2016 llegó al Bernabéu con un 2-0 y no le sirvió.
En 2017 llegó al Camp Nou con un 4-0 y no le sirvió.
En 2019 logró un 0-2 en Old Trafford en la ida y tampoco le sirvió.
Varias de las remontadas más históricas de la Champions League tienen un denominador común... pic.twitter.com/a8ah8VpFpD
— MisterChip (Alexis) (@2010MisterChip) March 6, 2019
Eigendur Paris Saint Germain hafa dælt peningum inn í félagið. PSG hefur ekki þurft mikla viðbót til að rúlla upp frönsku deildinni ár eftir ár en stefnan var að ná að vinna Meistaradeildina í fyrsta sinn.
Liðið hefur aftur á móti ekki verið nálægt því þrátt fyrir að vera með marga af bestu og dýrustu leikmenn heims innan sinna raða. PSG sannar það að peningarnir breyta þér ekki í sigurvegara.
El PSG cayó en 1/8 en 2017 tras ganar 4-0 en la ida.
El PSG cayó en 1/8 en 2018 tras adelantarse 0-1 en el Bernabéu contra un Madrid que estaba descosido.
El PSG cae en 1/8 en 2019 tras haber ganado 0-2 en la ida.
El fútbol esconde secretos que el dinero no puede descifrar.
— MisterChip (Alexis) (@2010MisterChip) March 6, 2019
Þetta er þriðja árið í röð sem Paris Saint Germain dettur út í 16 liða úrslitunum og fjögur ár þar á undan endaði ævintýrið í átta liða úrslitum keppninnar. Þrátt fyrir alla eyðsluna hefur PSG enn ekki náð að spila undanúrslitaleik í Meistaradeildinni og það gerist nú í fyrsta sinn vorið 2020.
Það eru hins vegar viðureignirnar á móti Real Madrid, Barcelona og Manchester United sem svíða mest. Í öll skiptin var liðið búið að búa til kjöraðstæður til að komast áfram.
Þeim til vorkunnar hefur PSG liðið verið sérlega óheppið með mótherja í fyrstu umferðum útsláttarkeppninnar og liðin sem hafa slegið Parísarmenn út úr Meistaradeildinni undanfarin sjö ár eru Barcelona (3 sinnum), Chelsea, Manchester City, Real Madrid og svo Manchester United í gær.
Paris Saint Germain í Meistaradeildinni síðustu tímabil:
2012-13: Átta liða úrslit (Datt úr fyrir Barcelona)
2013-14: Átta liða úrslit (Datt úr fyrir Chelsea)
2014-15: Átta liða úrslit (Datt úr fyrir Barcelona)
2015-16: Átta liða úrslit (Datt úr fyrir Manchester City)
2016-17: Sextán liða úrslit (Datt úr fyrir Barcelona)
2017-18: Sextán liða úrslit (Datt úr fyrir Real Madrid)
2018-19: Sextán liða úrslit (Datt úr fyrir Manchester United)
