Messi á Old Trafford og Liverpool mætir Porto

Manchester United dróst á móti Barcelona í átta liða úrslitum Meistaradeildar Evrópu í fótbolta en dregið var til átta liða úrslitanna í höfuðstöðvum UEFA í Nyon í Sviss í dag.

Barcelona kom á undan United upp úr pottinum en snúa þurfti viðureigninni við þar sem United og City geta ekki spilað heimaleiki á sömu dögum en City mætir Tottenham í eina enska slag átta liða úrslitanna.

Liverpool fékk draumadrátt á móti Porto og þá halda Cristiano Ronaldo og félagar í Juventus til Hollands en þeir mæta Ajax sem skelltu Real Madrid í 16 liða úrslitunum.

Átta liða úrslitin fara fram 9. og 10 apríl og svo síðari leikirnir 16. og 17. apríl.

Hér að neðan má sjá útsendinguna frá drættinum sem og textalýsingu Vísis.

Drátturinn í 8 liða úrslit Meistaradeildarinnar

Ajax - Juventus

Liverpool - Porto

Tottenham - Manchester City

Manchester United - Barcelona

Drátturinn í undanúrslit Meistaradeildarinnar

Tottenham/Manchester City - Ajax/Juventus

Manchester United/Barcelona - Liverpool/Porto