Pogba: Real er draumur allra fótboltamanna

Paul Pogba segir Real Madrid vera draumafélag allra leikmanna. Hann sé þó ánægður hjá Manchester Untied.

Pogba hrósaði Ole Gunnar Solskjær, bráðabirgðastjóra United en sagði Real „draum hvers barns og hvers fótboltamanns.“

„Þetta er eitt stærsta félag heims.“

„Núna er ég ánægður í Manchester. Ég fæ að spila og það er nýr þjálfari.“

Pogba er í landsliðsverkefni með Frökkum en þeir mæta Íslandi í undankeppni EM 2020 á mánudag. Fyrst spila Frakkar þó við Moldóvu á föstudag.