Reynsluboltarnir fara ekki með kvennalandsliðinu til Suður-Kóreu

Margir af reynslumestu leikmönnum íslenska kvennalandsliðsins eru ekki í hópnum sem fer til Suður-Kóreu í næsta mánuði.

Jón Þór Hauksson, þjálfari A-landsliðs kvenna, valdi í dag 23 manna hóp fyrir ferð íslenska kvennalandsliðsins til Suður-Kóreu í apríl.

Jón Þór valdi ekki leikmenn eins og Sif Atladóttur, Söru Björk Gunnarsdóttur, Dagnýju Brynjarsdóttur eða Margréti Láru Viðarsdóttir í hópinn og þá er Agla María Albertsdóttir ekki heldur valin.

Það er ljóst að reynslumestu leikmenn liðsins og allir fyrirliðarnir verða ekki með að þessu sinni. Ábyrgðin fellur því á aðra leikmenn.

Inn í landsliðið koma Fanndís Friðriksdóttir, Sandra María Jessen, Lára Kristín Pedersen, Anna Rakel Pétursdóttir og Elísa Viðarsdóttir.

Íslenska landsliðið mun spila tvo vináttulandsleiki í ferðinni á móti heimakonum sem eru eins og er í 14. sæti á heimslista FIFA. Íslensku stelpurnar eru átta sætum neðar eða í 22. sæti.

Fyrri leikurinn fer fram 6. apríl á Yongin Citizen Sport og hefst klukkan 05:00 að íslenskum tíma.

Seinni leikurinn er svo 9. apríl á Chuncheon Songam Stadium og hefst klukkan 07:45 að íslenskum tíma.

Jón Þór hefur þegar stjórnað íslenska landsliðinu í fjórum leikjum síðan að hann tók við liðinu af Frey Alexanderssyni. Íslenska liðið vann þann fyrsta á móti Skotlandi og líka þann síðasta á móti Portúgal sem var um níunda sætið í Algarve-bikarnum.

Allt eru þetta undirbúningsleikir fyrir undankeppni EM 2021 sem hefst með leikjum á móti Ungverjalandi og Slóvakíu um mánaðarmótin ágúst-september.

Hópurinn sem mætir Suður Kóreu í tveimur vináttuleikjum ytra í apríl.

Here is our squad for two games against South Korea in April.#LeiðinTilEnglands#fyririsland#dottirpic.twitter.com/aAmuiqwwJ4

— Knattspyrnusambandið (@footballiceland) March 20, 2019

Hópur Íslands í ferðinni til Suður-Kóreu:

Markmenn (3)

Sandra Sigurðardóttir, Val

Sonný Lára Þráinsdóttir, Breiðabliki

Bryndís Lára Hrafnkelsdóttir, Þór/KA

Varnarmenn (7)

Anna Björk Kristjánsdóttir, PSV

Anna Rakel Pétursdóttir, Linköping

Elísa Viðarsdóttir, Val   

Ingibjörg Sigurðardóttir, Djurgårdens

Guðrún Arnardóttir, Djurgårdens

Glódís Perla Viggósdóttir, Rosengård

Hallbera Guðný Gísladóttir, Val

Miðjumenn (7)

Gunnhildur Yrsa Jónsdóttir, Utah Royals FC

Sandra María Jessen, Bayer Leverkusen

Andrea Rán Hauksdóttir, Breiðabliki

Selma Sól Magnúsdóttir, Breiðabliki

Sigríður Lára Garðarsdóttir, ÍBV

Ásta Eir Árnadóttir, Breiðabliki

Lára Kristín Pedersen, Þór/KA

Sóknarmenn (6)

Fanndís Friðriksdóttir, Val

Berglind Björg Þorvaldsdóttir, PSV

Svava Rós Guðmundsdóttir, Kristianstad

Rakel Hönnudóttir, Reading

Elín Metta Jensen, Val

Þórdís Hrönn Sigfúsdóttir, Kristianstad