Viðskipti innlent

Ellefu starfsmönnum sagt upp hjá Securitas

Kristín Ólafsdóttir skrifar
Starfsmennirnir unnu störf tengd flugöryggisþjónustu, m.a. í Reykjanesbæ.
Starfsmennirnir unnu störf tengd flugöryggisþjónustu, m.a. í Reykjanesbæ. Vísir/vilhelm
Öryggisþjónustufyrirtækið Securitas sagði upp ellefu starfsmönnum, sem unnu störf tengd flugöryggisþjónustu, fyrir helgi. Ríkisútvarpið greinir frá þessu og hefur eftir Ómari Svavarssyni forstjóra Securitas að ástæðan að baki uppsögnunum sé samdráttur og fækkun verkefna.

Umræddir starfsmenn hafi starfað á Reykjanesi og í útibúum Securitas. Þá tengist samdrátturinn m.a. gjaldþroti WOW air, líkt og í tilfelli annarra fyrirtækja sem gripið hafa til uppsagna undanfarna daga.

Samkvæmt frétt RÚV starfa 550 manns hjá Securitas og telst uppsögn ellefu starfsmanna því ekki hópuppsögn. Vísir hefur leitað viðbragða hjá Ómari Svavarssyni vegna málsins.

Vinnumarkaður WOW Air

Tengdar fréttir



Mest lesið


Fleiri fréttir

Sjá meira


×

Mest lesið