Israel Martin ekki áfram með Tindastól

Tindastóll leitar nú að þjálfara til að stýra körfuboltaliði félagsins eftir að tilkynnt var í kvöld að Israel Martin mun ekki stýra liðinu áfram.

Báðir aðilar ganga sáttir frá borði, segir í tilkynningu Stólanna en Israel hefur stýrt liði Stólanna síðustu tvö tímabil. Hann skilaði einum bikarmeistaratitli í hús.

Árangurinn í ár hjá Stólunum var þó mikil vonbrigði. Þeir duttu út í átta liða úrslitunum fyrir Þór úr Þorlákshöfn, 3-2, en mikið hafði verið lagt í liðið fyrir tímabilið.

Óvíst er hver tekur við Stólunum.