Í farbanni vegna gruns um stórfellda ræktun

Lögreglan á Suðurlandi handtók þrjá litháíska karlmenn, einn á þrítugsaldri og tveir á sextugsaldri, í tveimur aðskildum sumarhúsum í Árnessýslu fimmtudaginn 4. apríl síðastliðinn handtók. Mennirnir eru grunaðir um stórfellda ræktun kannabis þar.

Hald var lagt á vel á þriðja hundrað fullvaxnar kannabisplöntur og auk þess nokkuð magn peninga í íslenskri og erlendri mynt. Héraðsdómur Suðurlands úrskurðaði mennina í gæsluvarðhald þann 5. apríl og átti það að renna út kl. 16:00 í dag. Tveir af þremur mannanna kærðu úrskurð héraðsdóms til Landsréttar og staðfesti Landsréttur úrskurðina.

Mennirnir voru færðir fyrir Héraðsdóm Suðurlands á ný í morgun og nú gerð krafa um að þeir sæti farbanni til 10. maí næstkomandi og féllst dómari á það.

Til rannsóknar er stórfelld framleiðsla fíkniefna og peningaþvætti henni tengd.