Lewandowski skaut Bayern í bikarúrslit

Bayern Munchen eru komnir í bikarúrslit í Þýskalandi og mæta þar RB Leipzig eftir að hafa unnið 3-2 sigur á Werder Bremen í kvöld.

Leikið var í Bremen en Robert Lewandowski kom Bayern yfir á 36. mínútu. Þannig stóðu leikar í hálfleik og á 63. mínútu tvöfaldaði Thomas Muller forystuna.

Yuya Osako minnkaði muninn fyrir Bremen á 74. mínútu og mínútu síðar var stðaðan orðinn jöfn eftir að Milot Rashica jafnaði.

Sigurmarkið kom úr vítaspyrnu tíu mínútum fyrir leikslok en Lewandowski skoraði þá af vítapunktinum og skaut Bayern í bikarúrslitin.

RB Leipzig bíður Bayern í bikarúrslitunum.