Biðjast afsökunar á straumleysinu frá Esjunni

Forsvarsmenn Reykjavík Crossfit Championship harma að ekki hafi tekist að sýna beint frá Esjuhlaupinu, fyrstu grein mótsins, sem fram fór í hádeginu. Minnt er á að streymt verði frá Laugardalshöll það sem eftir er af mótinu og lofað að streymið muni virka.

Þá vekja þeir athygli á því að einhverjir „hálfvitar“ séu að dreifa grunsamlegum linkum sem sagðir eru með útsendingu frá keppninni. Lögð er áhersla að það tengist keppninni ekki á nokkurn hátt og Facebook-notendur beðnir um að tilkynna aðilana til Facebook.

Keppni verður fram haldið í Laugardalshöll síðdegis.