Sport

Boxari hneig niður eftir vigtun | Myndband

Ingvi Þór Sæmundsson skrifar
Garner (til vinstri) hefur tvisvar hnigið niður eftir vigtun.
Garner (til vinstri) hefur tvisvar hnigið niður eftir vigtun. vísir/getty
Breski hnefaleikakappinn Ryan Garner hneig niður á sviðinu eftir vigtun fyrir bardaga hans gegn Jose Hernandez sem átti að fara fram í kvöld.

Garner átti í miklum vandræðum með að ná vigt og leit veiklulega út á sviðinu í gær.

Þegar hann gekk af sviðinu eftir að hafa stillt sér upp með Hernandez hneig Garner niður eins og sjá má á myndbandinu hér fyrir neðan.





Bardaganum hefur verið aflýst. Garner setti inn færslu á Twitter í dag þar sem hann sagðist vera miður sín yfir að geta ekki keppt í kvöld.



Bardagi Garners og Hernandez var hluti af bardagakvöldi þar sem viðureign Billy Joe Saunders og Shefat Isufi í ofurmillivigt var sá stærsti á dagskránni.

Þetta er í annað sinn sem Garner hnígur niður eftir vigtun en kallað hefur verið eftir því að hann færi sig upp um þyngdarflokk.

Box

Mest lesið


Fleiri fréttir

Sjá meira


×

Mest lesið