Koeman: Þjóðadeildin er frábær keppni

Ronald Koeman og lærisveinar hans í hollenska landsliðinu urðu að gera sér silfurverðlaun að góðu eftir 1-0 tap gegn Portúgal í úrslitaleik Þjóðadeildarinnar.

Margir höfðu efasemdir um Þjóðadeildina þegar hún var sett á laggirnar en Koeman hrósaði skipulagi keppninnar í hástert eftir úrslitaleikinn.

„Þjóðadeildin er frábær keppni. Þú sást hversu ánægðir Portúgalirnir voru að vinna þessi verðlaun og þú sást hversu mikið við vildum vinna þetta,“ sagði Koeman.

„Það var eins með riðlakeppnina. Þar var spilað af miklum ákafa (e. high intensity). Þessi keppni var vel skipulögð og við getum ekki beðið eftir þeirri næstu,“ sagði Koeman.