Samkomulag um skipti Hummels aftur til Dortmund

Bayern München og Borussia Dortmund hafa komist að samkomulagi um kaup síðarnefnda félagsins á Mats Hummels.

Fréttir bárust af því í dag að Hummels væri á leið aftur til Dortmund og þýska blaðið Bild sagði í kvöld að liðin hefðu komist að samkomulagi um félagsskiptin.

Samkvæmt heimildum Bild mun Dortmund borga 20 milljón evrur fyrir að fá fyrrum fyrirliðann sinn aftur. Þá mun Hummels fá samning upp á tvær milljónir evra á ári.

Hummels hefur fallið í goggunarröðinni hjá Bayern eftir komu Lucas Hernandez og gaf Niko Kovac, þjálfari Bayern, grænt ljós á að selja varnarmanninn.