„Við ætlum að fara saman yfir móðuna miklu“

Tónlistamaðurinn, leikarinn og útvarpsmaðurinn Alice Cooper, sem þekktastur er fyrir tónlist sína, heldur því fram að hann og eiginkona hans, Sheryl Goddard, hafi gert samkomulag um að deyja saman.

„Við ætlum að fara saman yfir móðuna miklu,“ sagði Cooper í viðtali við breska miðilinn Mirror. „Við munum aldrei komast af án hvors annars.“

Cooper og Goddard hafa verið gift í 43 en ekki náðist í hana til að staðfesta þetta.

„Ég gæti ekki lifað án hennar,“ sagði Cooper. „Við höfum alltaf sagt að það muni aldrei koma til að annað okkar syrgi hitt. Þegar það kemur að því munum við deyja saman.“

Goddard er 61 árs gömul en Cooper er tíu árum eldri en hún. „Maður myndi halda að fólk myndi vilja komast í burtu frá eiginkonum sínum en hún er besti vinur minn og það er enginn leið að við lifum af án hvors annars.“