FIFA ætlar að stækka HM kvenna upp í 32 lið

Íslenska kvennalandsliðið í knattspyrnu ætti að eiga meiri möguleika á að komast á næsta heimsmeistaramót eftir fjögur ár. Alþjóða knattspyrnusambandið mun fjölga þjóðum um átta milli móta.

Heimsmeistarakeppni kvenna í fótbolta í Frakklandi hefur heppnast frábærlega og fótboltaheimurinn virðist ætla að bregðast strax við auknum áhuga á kvennafótboltanum.

Fifa president Gianni Infantino has pledged to increase the size of the Women's World Cup to 32 teams and double its prize money, launch a Club World Cup for women's football and increase funding to develop the game.

Full story ➡ https://t.co/1MzCJYvKVD#FIFAWWCpic.twitter.com/GG0bNHp8EE

— BBC Sport (@BBCSport) July 5, 2019

Gianni Infantino, forseti FIFA, hefur nú lofað því að stækka keppnina frá 24 liðum upp í 32 lið. FIFA ætlar líka að tvöfalda verðlaunaféð í keppninni og setja af stað heimsmeistarakeppni félagsliða hjá konunum.

Næsta Evrópumót fer fram í Englandi eftir tvö ár en árið 2023 er komið að næstu heimsmeistarakeppni. Það er ekki búið að ákveða það hvar hún fer fram.

Tíu þjóðir hafa sýnt því áhuga að halda heimsmeistarakeppnina eftir fjögur ár. Þær eru Argentína, Ástralía, Bólivía, Brasilía, Kólumbía, Japan, Nýja-Sjáland, Suður-Afríka og Suður-Kórea. Kóreumenn eru að íhuga sameiginlegt framboð með Norður-Kóreu.