Mourinho segir að Tottenham, Liverpool, Man. City og B-lið Man. City geti unnið titilinn

Jose Mourinho, fyrrum stjóri Man. United og Chelsea til að mynda, var spekingur Sky Sports fréttastofunnar yfir leik ensku liðanna í dag er þau mættust í 1. umferð ensku úrvalsdeildarinnar.

United gerði sér lítið fyrir og gekk frá Chelsea í dag en Rauðu djöflarnir unnu 4-0 sigur á lánlausu liði Chelsea. Marcus Rashford gerði tvö mörk, Anthony Martial eitt og Daniel James það fjórða.

Umræða skapaðist á Sky Sports eftir leikinn um hvaða lið ættu möguleika á að vinna titilinn og þá var hinn portúgalski Mourinho fljótur til að svara.

„Manchester City, Tottenham, Liverpool og B-lið Manchester City,“ sagði Mourinho og glott varla við tönn.

@DavidJonesSky “Who can win the title?”

Jose Mourinho: “Man City, Tottenham, Liverpool, and Man City B team.”

Jose Mourinho: “When I looked at the bench, the players not involved I think even the B team could fight for the title.”

Good to have you back, Jose. pic.twitter.com/kg6sfaLLJc

— SPORF (@Sporf) August 11, 2019

„Þegar ég lít á bekkinn hjá þeim og leikmenn sem eru ekki valdir þá gæti B-liðið þeirra barist um titilinn,“ sagði Mourinho en City vann 5-0 sigur á West Ham í fyrstu umferðinni.