Neville vill að United selji nafnið á Old Trafford og lækki miðaverðið hjá kjarnanum

Gary Neville, fyrrum leikmaður Manchester United og núverandi sparkspekingur Sky Sports, vill að United selji nafnið á Old Trafford og fái þar með peninga til þess að lækka miðaverðið á leiki.

Neville var í viðtali hjá öðrum fyrrum knattspyrnumanni, Stan Collymore, sem heldur úti hlaðvarpsþætti en þar var rætt um hvort að það ætti að selja nafnið á Old Trafford.

„Glazer fjölskyldan hefur sagt að vörumerkið Old Trafford sé of stórt til þess að selja nafnið á vellinum. Ég myndi selja nafnið fyrir 60, 70 eða 80 milljónir á ári,“ sagði Neville.

Í stúkunni Streetford End sitja hörðustu stuðningsmenn United en þeir þurfa borga dágóðan pening til þess að komast á völlinn.

Never quite understood the clog @gnev2 has received from some United fans recently, can’t think of many United legends calling for lower ticket prices!

45 minutes of real football chat. It’s that simple.

Tuesday and Friday, a must listen.

Subscribe https://t.co/jnddfYKLFupic.twitter.com/HPLuyn96tU

— Stan Collymore (@StanCollymore) August 26, 2019

Neville vill nýta peninginn til þess að lækka miðaverðið hjá hörðustu stuðningsmönnunum og búa til nýja kynslóð stuðningsmanna.

„Allur sá peningur á þessum tíu árum, 800 milljónir, myndi þýða að Streetford End myndu borga tíu eða tólf pund til þess að komast inn á völlinn.“

„Ég myndi aldrei hætta að kalla hann Old Trafford en þar gætu 80 milljónir næstu tíu árin farið í stuðningsmenn Manchester United. Það væri stórkostlegt!“

Klippuna í heild sinni má sjá hér að ofan þar sem Neville ræðir enn frekar hugmyndina.