Roma staðfesti komu Smalling

Varnarmaðurinn Chris Smalling mun spila með ítalska félaginu Roma í vetur á láni frá Manchester United.

Smalling fer til Ítalíu á árslöngum lánssamningi sem kostaði Roma þrjár milljónir punda.

„Um leið og ég heyrði af áhuganum, tækifærinu að spila í nýrri deild með stóru liði sem er með stór markmið þá vissi ég að þetta væri það sem ég þyrfti,“ sagði Smalling við heimasíðu Roma.

Smalling hefur spilað fyrir Manchester United síðan árið 2010. Á þeim tíma hefur hann leikið 323 leiki fyrir félagið í öllum keppnum.

Hann á tvo Englandsmeistaratitla, bikarmeistaratitil og sigur í Evrópudeildinni að baki með félaginu.

Official: Chris Smalling has joined Roma on loan

This summer #ASRoma is using transfer announcements to help support charities like @MissingKids and @missingpeople in the search for missing children around the world. pic.twitter.com/xSGZWehhVE

— AS Roma English (@ASRomaEN) August 30, 2019