Kvöldfréttir Stöðvar 2

Áslaug Arna Sigurbjörnsdóttir dómsmálaráðherra segist fagna niðurstöðu yfirdeildar Mannréttindadómstóls Evrópu um að taka Landsréttarmálið fyrir. Fjallað verður ítarlega um málið og meðal annars rætt við Áslaugu Örnu í kvöldfréttum Stöðvar 2 á eftir

Skipulögðum netglæpamönnum hefur það sem af er ári tekist að svíkja gríðarlega háar fjárhæðir af fyrirtækjum hér á landi. Tilfelli HS Orku er ekki einsdæmi en netþrjótum tókst nýverið að svíkja út á fjórða hundrað milljóna króna frá fyrirtækinu.

Í fréttatímanum segjum við einnig frá nýjustu vendingum vegna Brexit, niðurstöðum sveitastjórnarkosninga í Rússlandi og höldum áfram umfjöllun um málefni Ríkislögreglustjóra.

Þetta og margt fleira í kvöldfréttum á samtengdum rásum Stöðvar 2 og Bylgjunnar í opinni dagskrá klukkan 18:30.